ALIYEKUWA MBUNGE WA LUPEMBE AISHUKURU SERIKALI

Na Amiri kilagalila,Njombe

Akitolea ufafanuzi wa namna wananchi walivyokuwa wakikabiliwa na adha mbalimbali ndani ya jimbo la Lupembe, aliyekuwa mbunge wa jimbo hilo kabla ya kuvunjwa kwa bunge hilo leo Mh,Joram Hongoli ameishukuru serikali ya awamu ya tano kwa kupeleka fedha nyingi katika miradi ya afya, elimu, maji pamoja na barabara ndani ya wilaya ya Njombe pamoja na kukamilisha ujenzi wa hospitali ya wilaya iliyojengwa Matebwe wilayani humo.

Ujenzi wa hospitali ya wilaya ya Njombe imetajwa kuwa mkombozi wa upatikanaji wa huduma za afya pindi itakapoanza kutoa huduma.

“Sio muda wiki lililopita tayari tumeshapata milioni 300 kwa ajili ya ukamilishaji ili hospitali ile ianze kufanya kazi”alisema Hongoli

Wakazi wa Matembwe akiwemo Petronia Mtega na Rozena Gidion wamezungumza hatua ya serikali kujenga hospitali hiyo katika eneo lao kwa gharama ya zaidi ya shilingi bilioni 1.5 na kwamba itasaidia sana kupungunguza changamoto ya usafiri wa kwenda mbali kufuata huduma za afya.

“Kwa hiyo sisi tunaona wametupunguzia ile ghalama ya kupanda magari mpaka Kibena kwa hiyo ikiinza tutaanza kupata huduma hapa jirani tunashukuru pia mbunge wetu kwa kutupigania”alisema Petronia Mtega

Kwa upande wa upatikanaji wa maji safi na salama kwenye vijiji na kata, wananchi hao akiwemo Riziki Msoso na Furaha Nduye wamesema licha ya kazi kubwa kufanyika katika serikali hii ya awamu ya tano lakini inapaswa kuongezwa nguvu katika utekelezaji wake.

“Lakini mpaka sasa tunaamini kwa jitihada za mheshimiwa Rais tunashukuru sana kwasababu awali maji ilikuwa ni tatizo kubwa sana lakini sasa asilimia nyingi seheu nyingi zinapata maji”alisema Riziki Msoso

 Sehemu ya majengo ya hospitali ya wilaya ya Njombe iliyojengwa Matembwe ikiwa imebaki kidogo kukamilika ili kuanza kutoa huduma.

 

 Jorum Hongoli mbunge wa jimbo la Lupembe akiishukuru serikali kwa kusaidia ujenzi wa miradi ya maendeleo jimboni humo.

 Petronia Mtega mkazi wa Matembwe mbele ya majengo ya hospitali akifurahia namna hospitali hiyo itakavyosaidia na kupunguza adha ya upatikanaji huduma za afya.