Lipuli FC yajifuwa kumuwinda Simba Jumamosi hii

Na Mwajuma Hassan,

Timu ya soka ya wanapaluhengo Lipuli FC ya mkoani Iringa inaendelea na mazoezi kwa ajili ya kujiandaa na mchezo wa ligi kuu Tanzania bara dhidi ya Simba SC utakaopigwa tarehe 21 mwezi huu jumamosi katika uwanja wa Samora.

Msemaji wa timu hiyo Clement Sanga amesema kuwa timu inaendelea vizuri na mazoezi  kwa ajili yakuwaweka wachezaji katika  hali ya kupambana zaidi na namna ya kukabiliana na mtanange huo utakaopigwa jumamosi wiki hii.

“Mchezo huo ni mgumu kwakuwa unatukutanisha na timu ambayo ipo katika  mbio zakuelekea kutwaa ubingwa nafasi ya ligi lakini haititishi hata kidogo tutapambana kadri ya uwezo wetu.”alisema SANGA

Lipuli inaingia kwenye mchezo huo ikitoka kuwafunga walima alzeti Singida united goli 1-0 katika mchezo wa ligi kuu uliofanyika jumapili wiki iliyopita katika uwanja wa samora mkoani hapa.

Lipuli iko nafasi ya nane kwenye msimamo wa ligi kuu Tanzania bara baada ya kucheza michezo 25 na imejikusanyia alama 31 huku simba wakiwa kileleni mwa msimamo huo wakiwa na alama 58 baada ya kucheza michezo 24.

Kikosi cha Simba chenyewe kipo mkoani Morogoro kikijiandaa kuwavaa wanapaluhengo Lipuli FC huku wakitarajiwa kuwasili Iringa siku ya ijumaa kwa ajili ya mtanange huo.