RC MAKONDA KUTATUA KERO ZA AJIRA KWA MABAHARIA

Mkuu wa Mkoa wa Dar es S alaam Paul Makonda wa pili (kushoto) kishikana mikono na Katibu chama cha Mabaharia taifa  Kampeni Josiah Mwakibuja baada yakukabidhiwa mfano wa meli  katika mkutano wa mabaharia uliozindulia jana na mkuu huyo wa mkoa hafla hiyo imefanyika jana jijini Dar es Salaam

Mkuu wa mkoa wa Dar es Salaam Paul Makonda ameahidi kutatua changamoto zinazowakabili mabahari  kwa lengo la kuwawezesha mabaharia kupata kazi ndani na nje ya nchi.

Makonda ameyasema hayo leo katika ufunguzi wa mkutano wa mabaharia  na kusema changamoto hizi zikitatuliwa zitaweza kutatengeneza fursa ya watu kupata kazi, kuheshimika na usalama wa mwajiriwa, uhakika wa kazi pamoja na kufanya kazi kwa ufanisi.

"Naamini changamoto zote hizi ambazo nimeziona zipo kwenye makundi matatu ninaweza kuzitatua na tutaendelea kushirikiana na kuweka mikakati itayowawezesha mabaharia kunufaika, na niwahakikishie kwamba tutafanikiwa." Amesema

Aidha amebainisha kuwa zikitokea nafasi za kazi kwa mabaharia watapewa kipaumbele ili waweze kulinda vyema rasilimali za nchi na kuepusha kusafirisha Mali za magendo na kusaidia kukuza uchumi wa taifa kwa kuweza kulipa kodi kikamilifu.

Pia amezungumzia suala la.upimaji afya bure litakaloanza November 19, mwaka huu litakalofanywa na madktari kutoka China na watafanya huduma hiyo bure kwa Siku saba na kuwaambia mabaharia ni fursa kwao kuweza kupima afya kwa lengo la kuchukua taadhari mapema kabla ya tatizo kuwa kubwa.

"Nawataka wanachi wote wa Dar es Salaam kujitokeza kwa wingi kupima afya bure November 19 itakayotolewa na madktari 381,kutoka  nchi ya china na ni fursa kwa ninyi mabaharia kupima afya zenu sitopenda kuona au kusikia Baharia au mkazi wa mkoa huu anaumwa ghafla tahadhari ni bora kuliko tuba". Amesema Makonda.