WICOF YAFANYA KONGAMANO LA SEMINA YA MALEZI KWA MAMA NA MTOTO

 

Mkurugenzi wa WICOF, na Shule za Green Apple, Mwajabu Dhahabu,(kulia),akifuatilia kwa makini semina.

Mtaalamu wa  malezi na haki za watoto, Dr. Said Simon,akiwasilisha maada katika semina.

mtalaamu wa masuala ya Jinsia na maendeleo ambaye pia ni Naibu Mkuu wa Chuo Mipango, Fedha na Utawala, Prof.Fatihiya Massawe, akiwasilisha maada katika semina.

Diwani wa Viti Maalum Manispaa ya Morogoro, Mhe. Hadija Kibati (kushoto) akifuatilia kwa umakini semina.

TAASISI ya WICOF Chini ya Mkurugenzi wake Mwajabu Dhahabu imefanya Kongamano la Mama na Mtoto (Mother and Child outing) likiwa na lengo lakuziba mianya ya vyanzo vya mmomonyoko wa maadili katika jamii.

Kongamano hilo lemfanyika Ukumbi wa Hotel ya Ottoland iliyopo 88 Manispaa ya Morogoro na kuhudhuriwa na watoa maada mbalimbali ,wazazi pamoja na watoto.

Akizungumza katika Kongamano hilo, Mkurugenzi wa WICOF, na Shule za Green Apple, Mwajabu Dhahabu, amesema  semina hiyo  ni muendelezo wa program ya malezi ambayo kwa sasa programu hiyo  itakuwa inatolewa kwa  familia  ya watu wachache wachache lengo haswa ni katika kukumbushana juu ya masuala yote yanayohusu malezi na makuzi kwa watoto na kuziba mianya ya vyanzo vya mmomonyoko wa maadili katika jamii.

Aidha, Bi Mwajabu Dhahabu , amewasisitizia  wazazi kuwa karibu na watoto wao hususani katika mipango ya maendeleo kwa  kuanzia kwenye ngazi ya familia ili kuleta tija katika ustawi wa familia na taifa Kwa ujumla.

Mwajabu ,amesema kuwa  mbinu mbali mbali za  wanawake  kuepuka utegemezi ni  kuwa wabunifu ili kuweza kuzitumia fursa zinazowazunguka na kuhakikisha Kila mwanamke anakuwa na uhuru wa kiuchumi.

Naye mtoa maada na  mtalaamu wa masuala ya Jinsia na maendeleo ambaye pia ni Naibu Mkuu wa Chuo Mipango, Fedha na Utawala, Prof.Fatihiya Massawe, amesema asilimia ya wale wanaofanya matendo ya ulawiti ni wale ambao tayari wameshaathirika na matendo hayo au kwa kuona matendo ya ukatili yanayofanywa mbele yake.

Kwa upande wa Mtaalamu wa  malezi na haki za watoto, Dr. Said Simon, amewataka wazazi kuzungumza na watoto wao na kufuatilia mienendo yao kila mara ili kuwaepusha na vitendo vya ukatili ikiwa pamoja na ubakaji, ulawiti, mimba za utotoni , kuimarisha upatikanaji wa haki na ulinzi wa Mtoto.

Miongoni mwa kazi Mada mbalimbali zilijadiliwa zikiwemo mbinu za  ustawi wa familia, jinsi ya kutimiza ndoto na malengo, hatua za ujana na madhara yake, kuwa na hofu ya Mungu, madhara ya ukatili wa kijinsia nk.