WATOTO wa kike 5562 wenye umri wa miaka 14 wananatarajiwa kupata chanjo ya saratani ya mlango wa kizazi Wilayani Kinondoni, jijini Dar es Salaam.
Akizindua chanjo hiyo, jana, Meya wa halmshauri hiyo, Benjamin Sitta, alisema, kati ya watoto hao, 4581 sawa na asilimia 82 ni wanafunzi kutoka shule za msingi na sekondari wilayani humo, ambapo watoto 981 sawa na asilimia 18 wanatoka katika jamii.
Meya Sitta ambaye leo aamezindua chanjo hiyo kwa wasichana 50, alisema, chanjo hiyo ni muhimu kwa watoto hao na jamii kwa ujumla.
"Huko mtaani kuna kasumba ya baadhi ya watu kuzusha propaganda katika mambo kama haya ya chanjo. Ukweli ni kwamba hii chanjo ni salama kwa watoto na imethibitishwa hivyo natoa wito kwa wazazi walezi, walimu na viongozi kuhamasisha wasichana kujitokeza,"alisema Meya Sitta.
Mratibu wa Huduma ya Afya y Mama na Mtoto wa Halmashari ya Manispaa ya Kinondoni, Editha Mboga, alisema, huduma ya chanjo hiyo itatolewa katika vituo vya afya 292 ambapo kati ya hivyo 69 ni vya taasisi a kidini na binafsi.
"Pia huduma hi itatolewa katika shule 223 za manispaa ya Kinondoni , ambapo tayari walimu 263 wamepewa mafunzo ya uhamasishaji chanjo hiyo. Pia watumishi wa afya 66 wamepewa mafunzo hayo,"alisema Editha.
Alisema, saratani ya mlango wa kiazi ni hatari ambapo takwimu inaonyesha asilimia 30 ya wagonjwa katika Taasisi ya Saratani ya Ocean Road wanaugua saratani ya mlango wa kiazi.
"Asilimia 10 ya watu wenye saratani ya mlango wa kizazi hupata dalili a awali katika kipindi cha miaka 10 hadi 20 baada ya kupata maambukii, hivyo kuna umuhimu mkubwa kwa wasichana wenye umri wa miaka 14 kupata chanjo hii ili kuwaondoa katika hatari ya kuathirika na ugonjwa huo,"alielea Editha.
Mganga Mkuu wa Wilaya ya Kinondoni Festo Dugange, alisema wamejipanga kikamilifu kuhakikisha kila mtoto wa kike mwenye umri wa miaka 14 anapata chanjo hiyo.
"Tunaomba jamii isaidie kuhamasisha wasichana hawa kujitokea kupata chanjo hii ambayo tunaamini itamsaidia mtoto huyu kukua katika afya bora ili kusaidia ujenzi wa taifa
No comments:
Post a Comment