Haya ndiyo yaliyojiri kwenye soko la hisa kwa wiki iliyoisha Ijumaa tarehe 16, march 2018.

Mauzo ya Hisa (Turnover/ Liquidity)

Mauzo kwa wiki iliyoishia 16 March 2018 yalikuwa takribani shilingi bilioni 5 ikilinganishwa na mauzo ya shilingi milioni 518 kwa wiki iliyoishia tarehe 9 Machi 2018.

Vile vile Idadi ya hisa zilizouzwa na kununuliwa kwa wiki iliyoishia tarehe 16 March 2018 ni hisa takribani milioni 3 ikilinganishwa na mauzo ya hisa ya laki 7 kwa wiki iliyoishia tarehe 9 Machi 2018.

Kampuni zilizoongoza katika mauzo ya hisa kwa wiki iliyoishia tarehe 16 March 2018 ilikuwa kama ifuatavyo:

TCC……………………………………………86%

VODA …………………………………………….7%

CRDB………………………………………………4%

Mauzo ya Hati Fungani (Bonds)

Mauzo ya hati fungani katika wiki iliyoishia tarehe 16 Machi 2018 yalikuwa Shilingi bilioni 80.7 kutoka Shilingi Bilioni 65 wiki iliyopita ya 9 Machi 2018.

Mauzo haya yalitokana na hatifungani kumi na moja (11) za serikali zenye jumla ya thamani ya Shilingi bilioni 86 kwa jumla ya gharama ya Shilingi bilioni 80.7

Ukubwa Mtaji (Market Capitalization)

Ukubwa wa mtaji wa kampuni zote zilizo orodheshwa katika soko umepanda kwa Shilingi Bilioni 483 kutoka Shilingi Trilioni 22.7 wiki iliyopita hadi Shilingi Trilioni 23.2 wiki iliyoishia tarehe 16 Machi 2018. Ongezeko hilo limetokana na kupanda kwa bei za hisa za KCB (19%), USL (11%)TCC (7%) na pia kuorodheshwa kwa hisa za kampuni ya TCCIA Investments Plc (TICL). 

Ukubwa wa mtaji wa kampuni za ndani zilizo orodheshwa katika soko la hisa umepanda kwa shilingi bilioni 77 kutoka trillioni 10.2 hadi trilioni 10.3 ya wiki iliyoishia tarehe 16 Machi 2018. Ongezeko hilo limechangiwa na kupanda kwa bei za hisa za TCC (7%) na pia kuorodheshwa kwa hisa za kampuni ya TCCIA Investments Plc (TICL); ambayo ukubwa wa mtaji wake ni shilingi bilioni 32.

Kampuni	16 Marchi 2018           (Shilingi)	9 Marchi 2018           (Shilingi)	Badiliko (%)
CRDB	170	190	-10.53%
DCB	380	380	0.00%
DSE PLC	1,400	1,580	-11.39%
MBP	600	600	0.00%
MCB	500	500	0.00%
MKCB	830	830	0.00%
MUCOBA	400	400	0.00%
NMB	2,750	2,750	0.00%
PAL	470	470	0.00%
SWALA	500	500	0.00%
SWIS	3,540	3,540	0.00%
TBL	14,000	14,000	0.00%
TCC	16,300	15,200	7.24%
TICL	0	0	0
TCCL	1,200	1,200	0.00%
TOL	780	780	0.00%
TPCC	1,480	1,480	0.00%
TTP	130	600	-78.33%
VODA	850	850	0.00%
YETU	600	600	0.00%
Kampuni zilirodhodheshwa kutokea Masoko mengine
ACA	4,790	5,370	-10.80%
EABL	5,380	5,360	0.37%
JHL	11,520	11,260	2.31%
KA	360	350	2.86%
KCB	1,140	960	18.75%
NMG	2,240	2,170	3.23%
USL	100	90	11.11%
Mtaji Jumla Makampuni yote (Bilioni)	23,230	22,747	2.12%
Mtaji Jumla Makampuni ya Ndani (Bilioni)	10,286	10,208	0.76%
Kiashiria cha DSEI (pointi)	2,412	2,362	2.12%
Kiashiria cha TSI (pointi)	3,923	3,894	0.74%

Ukubwa wa Mtaji wa Hatifungani

Hatifungani za Serikali zilizoorodheshwa sokoni hadi kufikia tarehe 16 Machi 2018 zina ukubwa wa jumla ya mtaji wa shilingi trilioni 8.35 na Hati fungani za makampuni binafsi ni shilingi bilioni 98.

Viashiria (Indices)

Kiashiria cha kampuni zote zilizoorodheshwa katika soko yaani DSEI kimepanda kwa pointi 50 kutoka pointi 2,362 hadi 2,412 pointi hii ikiwa ni kutokana na kushuka kwa bei za hisa za Kenya Commercial Bank (KCB), Uchumi Supermarket ltd (USL) na Tanzania Cigarette Company (TCC). Pia kishiria cha kampuni za ndani yaani TSI kimepanda kwa pointi 30 kutoka pointi 3893 hadi pointi 3923.